Tedesko fərqi

Türkiyə super liqasında “Fənərbağça” “Beşikdaş”ı 3:2 hesabı ilə məğlub edib.

Allsport.az xəbər verir ki, bununla da “sarı-lacivərdlilər”in baş məşqçisi Domeniko Tedesko uğurlu seriyasını davam etdirib.

Tedesko Türkiyə klubuna sentyabrın 9-da təyin edilib. O vaxtdan bəri “Fənərbağça” ölkə çempionatında səkkiz oyunda beş qələbə və üç heç-heçə edib.

Avropa liqasındakı çıxışları da daxil olmaqla, “Fənərbağça” 28 sentyabrdan bəri məğlubiyyətsizdir (yeddi oyunda altı qələbə və bir heç-heçə).