Titullu güləşçimiz Zaqrebdə ilk dəfə “Dəmir yumruğ”unu işə salıb. Sonda düşərli olacaqmı? – FOTO

Xorvatiyanın paytaxtı Zaqrebdə güləşçilərin reytinq turnirinə yekun vurulub. Allsport.az saytı xəbər verir ki, yarışda Azərbaycan hər 3 növdə təmsil olunub. Qadınlar 2 qızıl, 1 gümüş, sərbəstlər güləşçilərimiz 1 qızıl, 3 gümüş, 3 bürünc, “klassiklər” 1 qızıl və 5 bürünc medal qazanıblar.

Turnirdə yadda qalan digər məqamlar da olub. 1-ci dərəcəli beynəlxalq hakim Vüqar Şükürova final (qadınlarda 68-kq-da) və 3-cü yerlər ugrunda görüşlər həvalə olunub.

Avropa çempionu və dünya çempionatının 2-qat gümüş mükafatçısı Sənan Süleymanov (77 kq) mövsümə yeni güləş geyimində çıxıb. O, yekunda 5-ci yerlə kifayətlənib. Paris-2024-də zədələnən idmançımız medal qazanmaq fürsətini əldən vermişdi. Ondan sonra bir müddət istirahətə çəkilərək müalicə almağa başlamışdı.

“Dəmir yumruq” 2-ci Vətən müharibəsində Odlar yudrunun qələbə və birlik rəmzidir.