“Tottenhem”in baş məşqçisi: “Qarabağ”a böyük hörmətlə yanaşırıq

““Qarabağ” bizim üçün güclü rəqibdir. Biz rəqibə hörmətlə yanaşırıq”. Allsport.az saytı xəbər verir ki, bu sözü “Tottenhem” klubunun baş məşqçisi Maurisio Poçettino Avropa Liqasının həlledici mərhələsində “J” qrupunda Azərbaycan təmsilçisi ilə matçdan öncə təşkil olunan mətbuat konfransında deyib.

O bildirib ki, “Qarabağ” özünü “Seltik” komandası ilə qarşılaşmasından artıq isbat edib:“Rəqib güclüdür. Biz komandaya böyük hörmətlə yanaşırıq. Futbolda hər bir oyun böyük əhəmiyyət kəsb edir. “Qarabağ” kimi komandanın formalaşmasını yüksək qiymətləndirir və hər iki komandaya uğurlar arzulayıram”.