UEFA Məsiyevə təyinat verdi

FIFA referisi Elçin Məsiyev UEFA-dan növbəti dəfə təyinat alıb. Allsport.az xəbər verir ki, o, gənclər liqasının pley-offunda Polşada “Rux” (Lvov, Ukrayna) – “İnter” (İtaliya) matçını idarə edəcək.

Məsiyevə yan xətlərdə Rəhman İmani və Vüsal Məmmədov köməklik göstərəcək. Dördüncü hakim funksiyasını isə polşalı Yatsek Malişek yerinə yetirəcək.

Fevralın 8-də oynanılacaq “Rux” – “İnter” matçı Bakı vaxtı ilə saat 17:00-da başlayacaq.