“Unutmamalıyıq ki, bu, hələ yolun başlanğıcıdır”

“Çelsi”nin baş məşqçisi Liam Rosenyor İngiltərə liqa kubokunun yarımfinalında “Arsenal”a uduzaraq (0:1, ümumi hesab 2:4) turnirlə vidalaşdıqları oyunu şərh edib.

Allsport.az xəbər verir ki, mütəxəssis məğlubiyyətin ağrılı olduğunu, lakin komandanın oyununda irəliləyiş gördüyünü bildirib: “İkinci hissədə üstünlük bizdə olsa da, bunu nəticəyə çevirə bilmədik. Son dəqiqədə qol buraxmaq üzücüdür, amma oyunçularımın mübarizə ruhundan razıyam. Unutmamalıyıq ki, bu, hələ yolun başlanğıcıdır”.