Forgot Password New Account

Velosiped məşqçiləri üçün texniki kurslar

Velosiped idmanı
6 dekabr 2021 / 20:41 Baxış sayı: 295

Beynəlxalq olimpiya komitəsi, beynəlxalq velosipedçilər ittifaqının dəstəyi (UCI) MOK və AzVİF –in un təşkilatçılığı ilə velosiped məşqçiləri üçün texniki kurslara start verildi.

Allsport.az xəbər verir ki, Azərbaycan velosiped idmanı federasiyasında baş tutan açılış mərasimində Milli olimpiya komitəsinin marketinq departamentinin rəhbəri Mehman Kərimov, AzVİF-in baş katibi Fərhad Əliyev və Azərbaycan olimpiya velosiped məktəbinin direktoru Faiq Qurbanov iştirak edib. Bildirilib ki, MOK olaraq BOK-un dəstəyi ilə son 5 ildə ölkəmizdə 9 texniki kurs təşkil olunub. Bu kurslardan ikisi velosiped idman növü üçün 1-ci dərəcəli kurslar olub. Hər kursda gender bərabərliyi gözlənilmək şərti ilə ortalama 20 nəfər iştirak etməklə ümumilikdə 180 nəfər məşqçi kurslardan faydalanıb. O da vurğulanıb ki, hər bir idman növündə ortalama 3 səvviyə üzərindən qiymətləndirilən məşqçilərin beynəlxalq arenada tanınması və dünyanın istənilən ölkəsində öz fəaliyyətlərini həyata keçirə bilməsi vacibdir. Məhz bu məqsədlə məşqçilər üçün müxtəlif kurslar təşkil olunur. Beynəlxalq federasiyalar tərəfindən təstiq olunmuş məşqçilər üçün texniki kurslarda yalnız Bakıdan deyil ölkəmizin müxtəlif şəhər və rayonlarından da məşqçilər iştirak edib və imtahanları müvəfəqiyyətlə başa vuraraq beynəlxalq dərəcəli məşqçilik sertifikatını əldə ediblər. 6-13 dekbar tarixində baş tutacaq kursu beynəlxalq dərəcəli ekspert Elnarə Musayeva aparacaq. Onu da qeyd edək ki, velosiped idmanı üzrə ölkəmizdəki ilk 2-ci dərəcəli kursdur.

Həmin kateqoriyadan