Voleybol federasiyası CEV-lə yeni müqavilə bağladı

Azərbaycan voleybol federasiyasının baş katibi Cəlil Cəfərov və idman şöbəsinin rəhbəri Elnur Məmmədov CEV prezidenti Aleksandr Boriçiçlə görüşdə bir sıra mühüm məsələləri müzakirə ediblər.

Allsport.az xəbər verir ki, Azərbaycanda voleybolun daha da inkişaf etməsi baxımından yeni müqavilə imzalanıb. Uşaq voleybolunun inkişafı ilə bağlı olan bu müqavilə 2020-2024-cü illəri əhatə edəcək.

4 il müddətində Bakıda və bölgələrdə CEV-in təyin edəcəyi voleybol mütəxəssisləri seminarlar keçirəcək. Bunlar gənc nəslin yetişməsi ilə yanaşı, mütəxəssislərin də savadının artırılmasına hesablanıb.