Vüqar Həşimovun xatirə superturniri nə vaxt başlayacaq?

Dekabrın 17-dən 24-dək Bakıda dahi şahmatçı, Avropa çempionu, beynəlxalq qrosmeyster Vüqar Həşimovun xatirəsinə superturniri keçiriləcək. Allsport.az saytı xəbər verir ki, 10 şahmatçının iştirakı ilə keçiriləcək turnir rapid və blits üzrə təşkil olunacaq.

Vüqar Həşimov şahmat fondunun təşkilatçılığı, gənclər və idman nazirliyinin və Azərbaycan şahmat federasiyasının dəstəyi ilə yarış “Alov qüllələri” mehmanxanasında baş tutacaq.

Vüqar Həşimov memorialı ilk dəfə 2014-cü ildə Şəmkirdə keçirilib. Hazırkı dünya çempionu Maqnus Karlsen dörd (2014-cü, 2015-ci, 2018-ci, 2019-cu), Azərbaycan şahmatçısı Şəhriyar Məmmədyarov iki (2016-cı, 2017-ci) və ABŞ təmsilçisi Fabiano Karuana (2021-ci) isə bir dəfə turnirin qalibi olublar.

Turnir 2020-ci ildə koronavirus pandemiyası ilə əlaqədar keçirilməyib. Həmçinin yarışda dünya şahmat tarixində ilk dəfə innovativ yeniliklərdən istifadə olunacaq. Ötən il turnir üçün yeni loqo hazırlanıb. Qara fonda ağ tonda təqdim olunan Vüqar Həşimovun silueti əlavə detallar olmadan, yalnız kənar cizgilərinin birrəngli təsviri əsasında yaradılıb.

Həmin kateqoriyadan

AzerbaijaniEnglishRussianTurkish