Zaqrebdə 5-ci dəfə himnimiz səsləndi

Allsport.az xəbər verir ki, Xorvatiya paytaxtında yunan-Roma güləş növü üzrə Avropa çempionatında daha bir pəhləvanımız bütün rəqiblərini üstələyərək zirvədə yerini alıb.

Güləşcimizin 1-ciliyə gedən yolu çox çətin olub. Ülvü Qənizadə (72 kq) 1/8 finalda ukraynalı Andrey Kulikə 4:1 hesabıyla qalib gəlib. Qənizadə 1/4 finalda bolqarıstanlı Deyvid Dimitrovu üstələyib – 3:1. Həmyerlimiz yarımfinalda türkiyəli Selçuk Canla gərgin mübarizə şəraitində keçən görüşdə sevinən tərəf olub – 2:1. Finalda isə fransalı İbrahim Qanemə üstün gələrək Avropa çempionu olub.