Zöhrab Gözəlbəyli Türkiyə klubunun oyununda

Azərbaycan voleybol Federasiyasının kommunikasiya şöbəsinin rəhbəri Zöhrab Gözəlbəyli beynəlxalq yarışa supervayzer təyin olunub.
Allsport.az xəbər verir ki, Gözəlbəyli qadın voleybolçular arasında CEV kubokunun 1/8 finalında “THY İstanbul” və “MBH-Bekesksaba” (Macarıstan) komandalarının cavab qarşılaşmasında hakimlərin işinə qiymət verəcək. Dekabrın 10-da İstanbulda keçiriləcək oyunun hakimləri ingiltərəli Dominik Biqaylo və bosniya və hersoqovinalı Mirzə Basiç olacaq.
Komandalar arasında baş tutan ilk matçda Türkiyə təmsilçisi 3:0 hesabı ilə qalib gəlib.