Messi MLS-in tarixinə keçdi

“İnter Mayami”nin futbolçusu Lionel Messi yeni rekorda imza atıb.

Allsport.az xəbər verir ki, argentinalı hücumçu MLS-in müntəzəm mövsümündə “Nyu-İnqlend Revolüşn”ı səfərdə 2:1 hesabı ilə məğlub etdikləri oyunda dubl edib.

Messi 27-ci və 38-ci dəqiqələrdə fərqlənib.

38 yaşlı futbolçu daha əvvəl “Monreal İmpakt” (4:1, 4:2) və “Kolumbus Krü” (5:1) klubları ilə görüşlərdə də dubl etməyi bacarıb.

Beləliklə, Messi MLS tarixində ardıcıl 4 matçda iki qol vuran ilk futbolçu olub.