- Baxış sayı: 28
- 06 Sentyabr 2024 22:48
- Baxış sayı: 48
- Sentyabr 07, 2024
- 0
Ümumdünya antidopinq agentliyi (VADA) 2024-cü il 19 aprel tarixini dünyada ədalətli idman günü elan edib.
Allsport.az xəbər verir ki, təmiz idman dəyərlərinə həsr olunan ədalətli idman günü dopinqə qarşı qlobal mübarizə haqqında idmançılar, idman ictimaiyyəti və digərləri üçün məlumatlandırma məqsədi daşıyır.
VADA-nın təşəbbüsünə qoşulan Azərbaycan milli antidopinq agentliyi (AMADA) də 2024-cü il 15-21 aprel tarixlərini əhatə edən dövrü ölkəmizdə “Ədalətli idman həftəsi” elan edib və idman ictimaiyyətini bu günlə bağlı məlumatlandırma işinə başlayır.
VADA hər il müxtəlif şəkildə qeyd olunan ədalətli idman gününün bu il rəqəmsal platformalar vasitəsilə təbliğ edilməsi üçün çağırış edib.
“Ədalətli idman həftəsi” ərzində AMADA-nın müxtəlif sosial media kanallarında bu günlə bağlı paylaşımların edilməsi nəzərdə tutulub. Buraya məlumatlandırıcı post və hekayələrin paylaşılması, idman ictimaiyyətinin tanınmış simalarının bu günlə bağlı fikirlərini əks etdirən videoçarxlar, eyni zamanda, ədalətli idman günü ilə bağlı sorğulardan ibarət müsabiqələrin təşkili aiddir. İnsanlar bu müsabiqələrdə iştirak edərək həm maariflənə, həm də AMADA-dan dəyərli hədiyyələr qazana biləcəklər.
VADA 2014-cü ildən hər il aprel ayında ədalətli idman günü keçirir. Aprel ayının fərqli tarixlərində qeyd olunan əlamətdar gün bu il 19 aprelə təsadüf edir. Artıq on ildir ki, ədalətli idman günü xüsusi olaraq qeyd edilir.