3 komandaya texniki məəğlubiyyət

AFFA İntizam Komitəsinin növbəti iclası keçirilib. Allsport.az xəbər verir ki, iclasda AFFA-nın bayrağı altında keçirilən müxtəlif turnirlərlə bağlı aşağıdakı qərarlar qəbul olunub:

Yüksək Qızlar Liqasının “Neftçi” PFK – 8 №-li İOEUGiM oyununda 8 №-li İOEUGiM komandasının heyətində eyni nömrə altında (N1) meydançada iki oyunçu (İlahə Əkbərova və Lamiə Əlizadə) çıxış etdiyinə görə bu komandaya 0:3 hesabı ilə məğlubiyyət verilib.

Gənclər Liqasında keçirilən “Zirə” – İCBFA oyununda İCBFA komandasının futbolçusu Cavanşir Tahirov qarşılaşmanın 40-cı dəqiqəsində qeyri idman hərəkətinə görə ikinci sarı vərəqə ilə meydandan kənarlaşdırıldığı üçün 1 oyun cəzalandırılıb.

U-12 Liqasında keçirilməli olan “Çinar” (Gəncə) – “Lokomotiv” (Gəncə) qarşılaşmasında “Lokomotiv” komandasının heyətində yetərsay olmadığı üçün oyunun baş tutmamasına görə “Lokomotiv”ə 0:3 hesabı ilə məğlubiyyət verilib.

U-10 Liqasında keçirilməli olan “Azart” – İCBFA qarşılaşmasında “Azart” komandası təyin olunan vaxtda oyuna gəlmədiyi üçün oyunun keçirilməməsi səbəbindən “Azart”a 0:3 hesablı texniki məğlubiyyət verilib.

Həmin kateqoriyadan

AzerbaijaniEnglishRussianTurkish