Ağırlıqqaldıranımız 2-ci oldu

Bolqarıstanın paytaxtı Sofiyada ağırlıqqaldırma üzrə Avropa çempionatı davam edir.

Allsport.az xəbər verir ki, yarışda bu gün Azərbaycan millisinin daha 1 idmançısı körpücük üzərinə qalxıb.

Milli üzvü Ömər Cavadov 73 kq çəki dərəcəsinin “B” qrupunda qüvvəsini sınayıb. O, toplam 318 kq (152+166) nəticə ilə “B” qrupunda 2-ci yeri tutub.

Atletimizin yekun sıralamadakı yeri bu çəki dərəcəsinin “A” qrupunda çıxışlar başa çatandan sonra məlum olacaq.