“Atletiko” “Azerbaijan. Land of Fire” reklamına əvəzləyici tapdı

İspaniyanın “Atletiko” (Madrid) klubu “Azerbaijan. Land of Fire” reklamından imtina edib. Allsport.az xəbər verir ki, madridlilərin Azərbaycanın turizm reklamı ilə müqaviləsinin müddəti bu yay başa çatıb.

Tərəflər yeni anlaşma imzalamaq istəmədiyindən, “Atletiko” özünə yeni titul sponsoru tapıb. Belə ki, La Liqa klubunun formalarını bundan sonra “Plus500” reklamı bəzəyəcək.

Qeyd edək ki, Azərbaycanın turizm reklamı “Atletiko”ya 2012-ci ilin oktyabr ayından sponsorluq edirdi.