“Bu anı illərdir gözləyirdik”

“Arsenal”ın baş məşqçisi Mikel Arteta İngiltərə liqa kubokunun yarımfinalında “Çelsi” üzərində qazanılan qələbəni (1:0) və finala yüksəlmələrini şərh edib.

Allsport.az xəbər verir ki, mütəxəssis komandasının dözümlülüyünü və stadiondakı atmosferi xüsusi vurğulayıb: “Bu, əsl döyüş idi. Nə etməli olduğumuzu bilirdik və bunu yerinə yetirdik. Azarkeşlərimizin yaratdığı atmosfer möhtəşəm idi. Bu anı illərdir gözləyirdik və finalın dadını çıxaracağıq”.

“Arsenal” 2018-ci ildən bəri ilk dəfə bu turnirin finalına vəsiqə qazanıb.