“Bura elə-belə gəlməmişik”

U-19 millinin baş məşqçisi Elxan Abdullayev, Avropa çempionatının seçmə oyunları ilə bağlı bağlı fikirini bildirib. Allsport.az saytı xəbər verir ki, o, hədəfə çatmaq üçün var güclərini ortaya qoyacaqlarını deyib:

Noyabrın 6-da Bakıda təlim-məşq toplanışına başlamışıq. Dünəndən isə Moldovada hazırlıq keçirik. Məşqlər plan üzrə baş tutur. İrlandiya yığması qrupumuzun favoriti hesab edilir. Buna baxmayaraq, qrupda ilk iki yerdən birini tutaraq, elit-raunda vəsiqə qazanmaq istəyirik.

Düzdür, rəqiblərimiz güclü komandalardır. Ancaq bura elə-belə gəlməmişik. Məqsədimiz evə uğurlu nəticə ilə – elit-raunda yüksələrək qayıtmaqdır. Bunun üçün əlimizdən gələni edəcəyik”.

7-ci qrupunda yer alan futbolçularımız, noyabrın 13-də İslandiya, 16-da İrlandiya və 19-da Moldova ilə qarşılaşacaq. Qrupun bütün oyunları Moldovanın paytaxtı Kişinyovda olacaq.