Futbol tarixində ilk: DÇ-yə 2 qitə ev sahibliyi edəcək

2030-cu ildə futbol üzrə dünya çempionatı İspaniya, Portuqaliya və Mərakeşdə keçiriləcək. Allsport.az xəbər verir ki, bu barədə qərar FİFA-nın bu gün keçirilən konqresində qəbul edilib.

Bu, birdən çox qitədə baş tutacaq ilk dünya çempionatı olacaq. Üç ev sahibi ölkədən əlavə, dünya çempionatının üç oyunu Cənubi Amerikada – Uruqvay, Paraqvay və Argentinada keçiriləcək.

Futbol üzrə sonuncu dünya çempionatı 2022-ci ilin qışında Qətərdə keçirilib. Turnirin hazırkı qalibi Argentina millisidir. 2026-cı ildə turnirə ABŞ, Kanada və Meksika ev sahibliyi edəcək.