“Çelsi”də yeni müqavilə

“Çelsi”nin kapitanı Ris Ceyms klubla olan müqaviləsinin müddətini daha 6 il uzadıb.

Allsport.az xəbər verir ki, 26 yaşlı müdafiəçi 2032-ci ilin yayına qədər “Stmeford Bridc”də qalmağa razılıq verib.

Klubun öz yetirməsi olan və 6 yaşından “zadəganlar”ın sistemində yer alan Ceymsin əvvəlki müqaviləsi 2028-ci ildə başa çatırdı.

Ceyms “Çelsi” ilə indiyədək 225 oyuna çıxıb, 16 qol və 31 məhsuldar ötürmə ilə yadda qalıb.