Cerrard: “Özümü əsl ailə kimi hiss etdim”

Allsport.az xəbər verir ki, “Liverpul”un əfsanəsi, “Əl-İttifaq”ın yeni baş məşqçisi Stiven Cerrard Səudiyyə Ərəbistanı çempionatına keçidin səbəblərini açıqlayıb:

“Düşünürəm ki, kluba qoşulmaq istəməyimin bir çox səbəbi var idi. Komandada çox yaxşı insanlar var. Özümü əsl ailə kimi hiss etdim və məni çox yaxşı qarşıladılar.

Həmişə nəzərə aldığım amillər var. İlk növbədə, bu, mənim ailəmə uyğun olmalıdır. Və, əlbəttə ki, müqavilənin düzgün olduğuna əmin olmalısınız, lakin bu, həmişə ən sonunda gəlir. Başlamaq və bütün azarkeşlər və oyunçularla görüşmək üçün səbirsizlənirəm. 

Amma indiyə qədər tanış olduğum “Əl İttifaq”ı təmsil edən insanlar əla idi və düşünürəm ki, bizim çoxlu ortaq cəhətlərimiz var”.