“Daha yaxşı nəticə göstərə bilərdik”

İtaliyanın Kaorle şəhərində U-20 Avropa çempionatında komanda hesabında 2-ci yeri tutan sərbəst güləşçilərimiz vətənə döndü. Allsport.az saytı xəbər verir ki, hava limanında millinin böyük məşqçi Arif Abdullayev bunu dedi:

“Avropa çempionatında 5 medalla 2-ci yeri tutduq. Daha yaxşı nəticə göstərə bilərdik. Bəzi səhvlər oldu. Onların üzərində işləyəcəyik. Avqustda Bolqarıstanda U-20 dünya çempionatı keçiriləcək.

İnşallah, səhvləri aradan qaldırıb, həmin yarışda da uğurlu nəticə qazanarıq. Güləş federasiyasına, gənclər və idman nazirliyinə, milli olimpiya komitəsinə göstərilən diqqət və qayğıya görə təşəkkürümüzü bildiririk”.