Futbolda yeni qayda?

Beynəlxalq futbol assosiasiyaları şurası hakimlərlə mübahisə edən futbolçulara 10 dəqiqəlik cəza tətbiq etməyi düşünür.

Allsport.az xəbər verir ki, bu qayda yaxın gələcəkdə peşəkar liqalarda sınaqdan keçirilməyə başlaya bilər. Artıq İngiltərənin gənclər liqalarında hakimlə mübahisə zamanı futbolçunun 10 dəqiqə meydandan qovulması qaydası tətbiq olunur. Böyüklərdən ibarət komandalar arasında ölkə çempionatında fit səsindən sonra iki və ya daha çox adam hakimin yanında olarsa, oyunçular xəbərdarlıq ala bilərlər.