“Hücumda xüsusi bir şey yarada bilmədik”

Azərbaycan premyer liqasının XII turunun “Sumqayıt” – “Sabah” oyunundan (1:0) sonra qonaqların baş məşqçisi Krunoslav Renduliç mətbuat konfransında iştirak edib.

Allsport.az xəbər verir ki, Masazır təmsilçisinin çalışdırıcısı oyun haqda bunları deyib:

“Bura 3 xal qazanmaq üçün gəlmişdik. Lakin təəssüf ki, buna nail ola bilmədik. Demək olar ki, bütün oyun ərzində üstünlük bizim tərəfdəydi. Ancaq hücumda xüsusi bir şey yarada bilmədik. Əvəzində, son dəqiqələrdə standart vəziyyətdə qol buraxaraq, oyunu məğlub başa vurduq”.