YENİLƏNİB

“İnter” Ukrayna klubu ilə “sülh” bağladı

Türkiyədə təlim-məşq toplanışında olan “İnter” bu gün növbəti yoxlama oyununa çıxıb. Allsport.az xəbər verir ki, paytaxt təmsilçisi Ukraynanın “Metallist” klubu ilə üz-üzə gəlib.

Qarşılaşmada hesabı Ukrayna təmsilçisi açıb. Amma Azərbaycan klubu cəmi 5 dəqiqə sonra buraxılan topun əvəzini çıxmağı bacarıb. Qalan dəqiqələrdə tərəflərin çoxsaylı cəhdlərinə baxmayaraq, oyunda başqa qol olmayıb və görüş 1:1 hesabıyla başa çatıb.

Qeyd edək ki, “bankçılar” bundan öncə Türkiyənin “İnəgölspor” klubuna 4:1, Qazaxıstan “Kayrat”ına və yerli “Kasımpaşa”ya 3:1 qalib gəlmiş, Almaniya “Enerji”si ilə 1:1 hesablı heç-heçəyə razılaşmışdılar.

Yoxlama oyunu
20 yanvar

“İnter” – “Metallist” – 1:1 (1:1)
Qollar: Bobko, 25 (0:1), Y.Bokonyano, 30 (1:1).