“İrəvan” nə üçün cərimələndi?

Klub Elvin Yunuszadə və Əli Əliyevin hərəkətlərinə görə cəzalandırılıb.

Allsport.az xəbər verir ki, bu barədə AFFA-nın intizam komitəsinin iclasında qərar qəbul edilib.

“Karvan” – “İrəvan” oyunu bitdikdən sonra qonaqların oyunçusu Elvin Yunuszadə stadionun giriş qapısına zərər vurduğuna görə 1 oyun cəzalanıb. Buna görə klub 100 manat ödəyəcək.

Sözügedən görüşdən sonra klubun digər üzvü Əli Əliyev stadionun soyunub-geyinmə otağının qapısına zərər vurduğundan özü və komandası eyni cəzaya məruz qalıb.