“Kəpəz” rəqiblərini Gəncədə qəbul edəcək!

“Kəpəz” ev oyununu Gəncədə keçirəcək. Allsport.az xəbər verir ki, Gəncə şəhər stadionunda görülən hazırlıq işləri artıq başa çatıb və komandanın Nizami yurdunda oynamasına razılıq verilib.

Belə ki, bu gün Peşəkar Futbol Liqasının rəsmiləri stadionda olub. Adıçəkilən qurumun Texniki-İdman şöbəsinin əməkdaşları arenaya baxış keçirərək təftiş aparıblar və vəziyyətdən razılıq ediblər.

Qeyd edək ki, “Kəpəz” çempionatın ikinci turu çərçivəsində avqustun 16-da saat 18:30-da doğma divarlar arasında “Zirə”ni qəbul edəcək.