Mahir komanda yoldaşını zədələdi

“Dinamo”nun (Zaqreb) hücumçusu Mahir Əmrəli komanda yoldaşı Ariyan Ademini zədələyib. Allsport.az xəbər verir ki, hadisə komandanın ikitərəfli oyunu zamanı baş verib.

Mahir sərt müdaxilə ilə kapitanın ayağını tapdalayıb. Nəticədə şimali makedoniyalı yarımmüdafiəçi oyunu davam etdirə bilməyib.

“Dinamo” hazırlıq prosesində yanvarın 12-də Sloveniya təmsilçisi “Çelye” ilə qarşılaşacaq.