Mahir üçün yeni fürsət açılır

Xorvatiyanın “Sportske novosti” nəşri azərbaycanlı hücumçu Mahir Əmrəli haqda yazıb. Allsport.az xəbər verir ki, yazıda Zaqreb təmsilçisinin əsas hücumçusu Bruno Petkoviçin zədələnməsinin 25 yaşlı forvard üçün fürsət olduğu qeyd olunub:

“Petkoviçin zədəsi məşqdə özünü yaxşı sübut edən Mahir Əmrəli üçün yeni fürsət açılır. Bəlkə də onun “Dinamo”da ömürlük fürsəti var. Qış toplanışı başlamazdan əvvəl hətta Mahirin klubdan ayrıla biləcəyi ehtimal edilirdi, amma indi o, Ante Çaçiçin cokerinə çevrilə bilər”.