Medvedev turnirdən çəkilib

Rusiyalı tennisçi Daniyel Medvedev çexiyalı Jiri Leqeçka ilə 1/4 final matçında Madriddə keçirilən “Masters”dən imtina edib.

Allsport.az xəbər verir ki, birinci setin ortasında (3:2 hesabı onun xeyrinə) rusiyalı kortda fizioterapevti çağırıb və o, onun budunun daxili hissəsini masaj etməyə başlayıb. Bundan sonra Medvedev tribuna otağına keçib. Daha sonra korta qayıdan Daniyel ilk seti 4:6 hesabı ilə uduzaraq başa vurub və sonda mübarizəni davam etdirməkdən imtina edib.

Leqeçka kanadalı Feliks Auger-Aliassime ilə oynayacağı turnirdə yarımfinala yüksəlib.