Messi niyə meydana çıxmadı?

“İnter Mayami”nin baş məşqçisi Xerardo Martino hücumçu Lionel Messinin MLS-in adi mövsümdə “Monreal”la matçını (2:3) buraxmasının səbəbini açıqlayıb.

Allsport.az xəbər verir ki, o, tərəflərin qarşılıqlı razılıq əsasında bu qərara gəldiklərini bildirib:

“Təxminən 1 həftə əvvəl onun bu oyunu buraxacağı ilə bağlı razılığa gəldik. Neşvildə baş verənlərdən asılı olmayaraq, biz razılaşdıq ki, o, istirahət etsin”.