- Baxış sayı: 53
- 23 Avqust 2024 16:01
- Baxış sayı: 51
- Sentyabr 07, 2024
- 0
Tiflisdə beynəlxalq yoldaşlıq oyununda Gürcüstan futzalçıları ilə qarşılaşan Azərbaycan millisi 2:3 hesabı ilə yenilib. Allsport.az saytı xəbər verir ki, matçla bağlı komandamızın baş məşqçisi Vitali Borisov bunu deyib:
“Bilirsiniz ki, milli komandanı yenidən formalaşdırırıq. Budəfki heyətimiz demək olar, sırf Azərbaycan çempionatında çıxış edən futzalçılardan ibarətdir. Bu görüş 2024-cü ildə ilk beynəlxalq oyunumuz idi.
Uşaqlardan razı qaldım. Sona qədər mübarizə apardılar. Rəqibimiz olan Gürcüstan millisi də zəif komanda deyil. Bu gün bizdən üstün oynadılar.
Narazı qaldığım məqam iki qolu standart vəziyyətdən buraxmağımızla bağlıdır. Bu da bir yerdə çox işləməməyimizin nəticəsidir. Bu cür oyunları çox keçirməliyik ki, uşaqlar inkişaf etsinlər”.