Millimizin sabiq üzvü oynadı, komandası yenə məğlub oldu

Serbiya Super Liqasında 7-ci turun oyunları keçirilib. Allsport.az xəbər verir ki, Azərbaycan yığmasının sabiq hücumçusu Branimir Subaşiçin komandası – “OFK Belqrad” da növbəti matçına çıxıb.

Sözügedən klub doğma meydanda “Mladost”la (Luçani) qarşılaşıb. Matç paytaxt təmsilçisinin 0:1 hesablı məğlubiyyəti ilə başa çatıb. Matçın 46-cı dəqiqəsində meydana çıxan Subaşiç sonadək mübarizə aparsa da, komandasını məğlubiyyətdən xilas edə bilməyib.

Qeyd edək ki, “OFK Belqrad” hazırda 6 xalla 16 klub arasında 12-ci pillədə qərarlaşıb.