Nazim Süleymanov yubiley matçında pokerə imza atdı

Azərbaycan futbolunun veteranı Nazim Süleymanovun 50 illik yubileyi ilə əlaqədar yoldaşlıq görüşü keçirilib. Allsport.az xəbər verir ki, Vladiqafqaz “Alaniya”sı ilə azərbaycanlı veteranlardan ibarət komanda arasında baş tutan görüşdə 7:7 hesablı heç-heçə qeydə alınıb.

Süleymanov bu görüşün birinci hissəsində Vladiqafqaz klubunun, ikinci hissədə isə Azərbaycan yığmasının heyətində oynayıb. Yubilyar özü isə bu görüşdə 4 qola imza atıb. Onlardan birini həmyerlilərinin qapısından keçirən Süleymanov, yığmamızın heyətində də “Alaniya”ya 3 qol vurub. Millimizin digər qollarını het-trikə imza atan Musa Qurbanov və bir dəfə fərqlənən Oqtay Abdullayev vurub.