“Qarabağ” tərəflər konfransında hansı təkliflə çıxış edib?

“Qarabağ” – Bakıda keçirilən BMT-nin iqlim dəyişmələri üzrə çərçivə konvensiyasının tərəflər konfransının 29-cu sessiyasında (COP-29) futbol klublarının iqlim dəyişikliyi ilə mübarizədə birgə alyans yaratması təşəbbüsü ilə çıxış edib. Allsport.az saytı xəbər verir ki, toplantıya Ağdam komandasının prezidenti Tahir Gözəl qatılıb.

Bu təşəbbüs COP-29 sədrliyi və BMT-nin idman və iqlim dəyişikliyi üzrə departamenti (YUNFCCC) tərəfindən dəstəklənib. Tədbir noyabrın 16-da saat 14:00-da Mavi zonanın “Nəsimi” zalında baş tutacaq.

Dünyanın, xüsusilə Avropanın iqlim dəyişikliyi və dayanıqlılıq sahəsində tanınmış və təcrübəli futbol klubları “Qarabağ”ın dəvətini qəbul edərək, bu əhəmiyyətli toplantıda iştiraklarını təsdiqləyiblər.