Azərbaycan şahmat tarixində ilk!

İspaniyada qadın şahmatçılardan ibarət komandalar arasında dünya çempionatına yekun vurulub. Allsport.az xəbər verir ki, mötəbər yarışın finalında Azərbaycan və FİDE komandaları qarşılaşıb. Hər 2 görüşdə qarşı tərəf üstün olub (3:1; 2,5:1,5). Beləliklə Azərbaycan komandası tarixində ilk dəfə dünya çempionatında 2-ci yeri tutub.

Azərbaycan komandasında Ülviyyə Fətəliyeva, Gövhər Beydullayeva, Gülnar Məmmədova, Xanım Balacayeva və Ayan Allahverdiyeva iştirak edib. Kapitan İlahə Qədimova, məşqçilər Nicat Abbasov və Qədir Hüseynov olub.