Son 6 çəkidə qaliblər

Şüvəlan qəsəbəsindəki ağır atletika mərkəzində yeniyetmələrin Azərbaycan birinciliyi başa çatıb. Allsport.az saytı xəbər verir ki, yarışda 150 ağıllıqqaldıran iştirak edib. Son yarış günündə 73, 81, 89, 96, 102 və +102 kq çəkilərdə qaliblər müəyyən edilib.

Müvafiq olaraq, toplam 237 kq (107+130) nəticə ilə Akif Abdullayev, 235 kq (108+127) ilə Nicat Babayev, 260 kq (120+140) ilə Hüseyn Heydərov, 252 kq (115+137) nəticə Muhammədəli Məmmədzadə, 188 kq (83+105) ilə Sultan Sultanov və +210 kq (90+120) nəticə ilə Sadiq Əliquliyev qızıl medallara sahib çıxıblar.