Forgot Password New Account
Gəzən xəbər

Tarix yazan avarçəkənimiz: “Nəticəmdən çox razıyam”

Su idman növləri
16 avqust 2016 / 23:32 Baxış sayı: 917

Bu gün Azərbaycan millisinin kayakçısı İnna Osipenko-Radomskaya Rio-2016-da 200 mert məsafəyə final yürüşündə bürünc medal qazanıb. Allsport.az saytı xəbər verir ki, o, bizdən ilk uğurunu belə şərh edib:

“Ən yüksək hissləri keçirirəm. Bu olimpiadadır. Çox məsuliyyətli yarışdır. Bütün həyatı boyu bu startlara hazırlaşırıq. Nəticəmdən çox razıyam.

Hələ qarşıda 500 m məsafəyə yürüş də var. Mənim üçün 200 m məsafədə də yaxşı nəticə oldu. Çünki bu yarış çox sürətlidir. Startla finiş arasında məsafə qısa olduğundan yarış zamanı hər şeyi ölçüb-bişmək olmur”.

Xatırladaq ki, o, Ukrayna millisinin heyətində Pekin-2008-də qızıl, London-2012-də 2 gümüş və Afina-2004-də bürünc medal qazanıb.

 

Həmin kateqoriyadan