25-ci qələbə ilə 26-cı

Topaz premyer liqasının 27-ci turu “Zirə” üçün əlamətdar olub.  Allsport.az saytı xəbər verir ki, öz meydanında “Kəpəz”i 2:1 hesabı ilə məğlub edən paytaxt təmsilçisi evdə yubiley qələbəsini qazanıb.

Bu matçadək doğma azarkeşlər önündə keçirdiyi 45 ölkə çempionatı matçında 24 dəfə 3 xala sevinən “qartallar” 25-ci qələbənə yetişib.

“Zirə” Azərbaycan çempionatları tarixində öz meydanında 25 və ya daha çox qələbə qazanan 26-cı komanda olub. Bu rəqəmə 46-cı görüşdə çatan komanda öz meydanındakı qələbə sayında “Azəri” ilə eyni göstəriciyə malikdir.