70 yaşlı veteran futbolçu öldü

“Liverpul”un sabiq futbolçusu Coui Cons dünyasını dəyişib.

Allsport.az xəbər verir ki, 70 yaşlı veteran müdafiəçinin vəfatının səbəbi açıqlanmayıb.

Cons 1975-1978-ci illərdə “Liverpul”un şərəfini qoruyub. O, “Reksem”, “Çelsi” və “Haddersfild” kimi klublarda da oynayıb.

Cons “Liverpul”un heyətində iki dəfə Avropa çempionlar kubokunu, UEFA kubokunun və Avropa super kubokunun qalibi olub.