Makqreqor qayıdır: 5 illik həsrət iyulda bitəcək

UFC-nin sabiq çempionu Konor Makqreqor iyulda döyüşəcəyini rəsmən təsdiqləyib.

Allsport.az xəbər verir ki, 37 yaşlı irlandiyalı ulduzun antidopinq qaydalarını pozduğu üçün aldığı 18 aylıq cəza martın 20-də başa çatıb.

“Notorious” ləqəbli döyüşçü iyulun 11-də Las-Veqasda keçiriləcək turnirdə iştirak edəcəyini bildirib: “MMA-nı xilas etməyə gəlirəm. Makqreqor əbədidir!”

Sonuncu dəfə 2021-ci ildə Dastin Puari ilə döyüşdə ayağı qırılan Konor o vaxtdan bəri rəsmi döyüşə çıxmayıb.