“Səfərə çox böyük inamla və çəkinmədən yollanırıq”

Allsport.az saytı xəbər verir ki, bu sözü “Qarabağ”ın baş məşqçisi Qurban Qurbanov çempionlar liqasının 3-cü təsnifatında “Ferentsvaroş”a qarşı cavab oyunu öncəsi Heydər Əliyev beynəlxalq aeroportunda deyib.

O, son dəqiqəyədək çalışacaqlarını qeyd edib: “Oyunla bağlı çox düşünüləsi bir şey yoxdur. Bilirik ki, hər şey səfərdə həll olunmalıdır. Vaxtımız az olsa da, hazırlığımız pis getməyib. Futbolçularıma inanıram. Çox yaxşı oyun göstərmək niyyətindəyik”.

Avqustun 9-da Macarıstan klubu ilə görüş Bakı vaxtı ilə saat 22:00-da başlayacaq. Azərbaycanda ilk matçda qalib müəyyənləşməyib – 1:1.