Azərbaycanı o təmsil edəcək

Dekabrın 20-21-də Misirin Qahirə şəhərində  beynəlxalq həndbol federasiyasının (İHF) növbəti 40-cı konqresi keçiriləcək. 

Allsport.az xəbər verir ki, tədbirdə ölkəmizi Azərbaycan həndbol federasiyasının (AHF) vitse-prezidenti Orxan Abbasov təmsil edəcək.

Konqresin gündəliyində duran əsas məsələlərdən biri İHF-də müvafiq yerlərə seçkilərin təşkil olunmasıdır. Bununla yanaşı, qlobal həndbolun inkişaf strategiyası, maliyyə məsələləri, eləcə də qayda və reqlamentlərə dair mühüm qərarlar da müzakirə ediləcək.