AFFA Amin Seydiyevi cəzalandırdı, 4 klubu cərimələdi

Bu gün AFFA intizam komitəsinin iclası keçirilib. Allsport.az saytı xəbər verir ki, premyer liqanın 27-ci turu ilə bağlı bu qərarlar qəbul edilib:

“Şamaxı” – “Qəbələ” oyununda qonaqlardan 5 futbolçu sarı vərəqə ilə cəzalandırıldığı üçün, klub 800 manat cərimə olunub.

“Sabah” – “Sumqayıt” oyununda meydan sahiblərindən Amin Seydiyev rəqibi aşkar qol imkanından məhrum etdiyinə görə qırmızı vərəqə alaraq meydançadan kənarlaşdırıldığı üçün 1 oyun cəzalanıb, klub 200 manat cərimələnib.

“Göy-ağlar”ın 5 futbolçusu sarı vərəqə ilə cəzalandırıldığı üçün 800 manat ziyana düşüb.

“Sabah” – “Sumqayıt” oyununda hakimlər otağı isti suyu olan duş ilə təmin olunmadığı üçün, meydan sahibinə xəbərdarlıq edilib.

“Kimyaçılar”ın 7 futbolçusu sarı vərəqə ilə cəzalandırıldığı üçün klub 800 manat cərimə olunub.

“Zirə” – “Neftçi” oyununda qonaq komandanın 8 futbolçusu sarı vərəqə ilə cəzalandırıldığı üçün klub 800 manat cərimə olunub.