AFFA-nın əməkdaşları Xorvatiyada

Xorvatiyanın paytaxtı Zaqrebdə UEFA-nın təşkilatçılığı ilə “Kütləvi futbolda dəyişkən oyun formatları və oyunçunun karyera yolu” mövzusunda seminar keçirilir. Allsport.az saytı xəbər verir ki, 12-16 may tarixlərini əhatə edən və 15 ölkənin (Azərbaycan, Xorvatiya, Çex Respublikası, Farer Adaları, Macarıstan, Lüksemburq, Şimali İrlandiya, Şimali Makedoniya, Polşa, Portuqaliya, Slovakiya, Sloveniya, İspaniya, İsveçrə və Ukrayna) qatıldığı toplantıda AFFA-nın əməkdaşları – kütləvi futbol departamentinin rəhbəri Fərrux İsmayılov, futbolda sosial məsuliyyət meneceri Kifayət Mustafayeva və kütləvi futbol departamentinin mütəxəssisi Orxan Mikayıllı iştirak edirlər.

Məşğələdə kütləvi futbolda müxtəlif oyun formatlarının tətbiqi, erkən yaşda uşaqların futbolda davamlı olaraq qala bilmələri, sosial məsuliyyətin kütləvi futbolda əhəmiyyətli rolu və digər mövzular haqqında müzakirələr aparılır.