Amerika kubokunun finalında çətin idi. Möcüzəvi şəkildə faciənin qarşısı alınıb

Bazar axşamı və gecəsi futbol hadisələri ilə zəngin idi. Əvvəlcə Berlində İspaniya yığması ingiltərələri məğlub edərək, Avropa çempionu oldu, sonra isə digər qitə çempionatının – Amerika kubokunun finalında argentinalılar Kolumbiyaya qalib gəldilər.

Allsport.az saytı xəbər verir ki, amma Mayamidə baş tutan bu qarşılaşma qalmaqallı olub. Ümumiyyətlə, futbola aid deyil. Baxmayaraq ki, burada futbol da qismən günahkardır.

Lionel Messinin Amerika kubokunda son oyununu izləmək üçün çoxlu sayda insan toplaşıb. “Hard Rock” stadionunun yerləşə biləcəyindən çox. Bu azarkeşlərin əksəriyyəti biletsiz idi və ya saxta biletlərlə içəri daxol olmağa çalışıblar.

Pulsuz oyuna daxil olmasının qarşısını almaq üçün, təşkilatçılar əvvəlcə bütün turniketləri bağlayıblar. Ancaq bu səhv idi: bu qərar izdiham yaradıb və matçın başlamasını təxminən saat yarım gecikdirib.

Florida ştatında isti izdihamda olan insanların xəstələnməsinə səbəb olub. Bəziləri sözün əsl mənasında xilas edilməli idi.