“Ankalayevin UFC-də rəqibi yoxdur”

ASA liqasının vitse-prezidenti Aslanbəy Badayev açıqlama verib.

Allsport.az xəbər verir ki, o, UFC 313-də titul uğrunda döyüşdə braziliyalı Aleks Pereyra üzərində qələbə qazanan rusiyalı Məhəmməd Ankalayev haqda danışıb: “Ankalayev yaxın illərdə kəmərini qoruya biləcək. Məncə, o, beşdən çox müdafiə döyüşü keçirə bilər. Gəlin bunu anlayaq: birincisi, Pereyra ilə revanş, daha sonra Prohaska, Ulberq, Hill və ola bilsin ki, Rakiç də var. Uolker, Krılov, Mirzəxanov da var. Bunlar Ankalayevə rəqib deyillər. O, çempionluğu uzun müddət qoruyacaq”.