“Atletik” “İnter” öncəsi sınaq matçında qüvvəsini yoxladı

UEFA Avropa Liqasının üçüncü təsnifat mərhələsində Bakı “İnter”inin rəqibi olan İspaniyanın “Atletik” klubu yoxlama görüşündə qüvvəsini sınayıb. Allsport.az xəbər verir ki, Bilbao təmsilçisi İspaniyanın ikinci liqasında mübarizə aparan “Valyadolid”lə qarşılaşıb.

Qarşılaşma sülhlə başa çatıb – 1:1. 74-cü dəqiqədə məğlub duruma düşən “İnter”in rəqibi cəmi üç dəqiqə sonra penalti qolu sayəsində hesabı bərabərləşdirib.

Qeyd edək ki, “Atletik” – “İnter” oyunu avqustun 30-da Bilbaoda keçiriləcək. “San Mames” stadionunda baş tutacaq həmin görüş Bakı vaxtı ilə saat 23:45-də başlayacaq.