Avarçəkənimiz beynəlxalq turnirin qalibi oldu

Monakoda şahzadə II Albertin şərəfinə sahil avarçəkməsi üzrə “Çağırış Kuboku-2023” reqatası keçirilib.

Allsport.az xəbər verir ki, sayca 18-ci dəfə təşkil edilən turnirdə 18 ölkədən 22 komandanın 110 idmançı iştirak edib.

Azərbaycan yığmasının heyətində Diana Dımçenko mübarizə aparıb. O, “Çağırış Kuboku-2023”ün qarışıq 4 nəfərlik qayıqda avstriyalı Maqdalena Lobrinq, ABŞ idmançıları Kris Bak və Kori Rocerslə birgə start xəttinə çıxıb. 4000 m məsafəyə keçirilən yürüşdə Diananın komandası finiş xəttinə hamıdan birinci çataraq çempion olub.