AzAL çempionu məğlub etdi

AzAL yeni mövsümə hazırlıqlarını davam etdirir. Allsport.az xəbər verir ki, paytaxt klubu növbəti yoxlama oyununu keçirib.

“Təyyarəçilər” bu dəfə birinci divizionunun son qalibi “Neftçala”nı sınağa çəkib. “AzAL Arena”da baş tutan matç meydan sahiblərinin 3:1 hesablı qələbəsi ilə başa çatıb. Oyunda hesabı “Neftçala” açsa da, “təyyarəçilər” hələ ilk hissədə 3 qol vuraraq oyunda yekun nəticəni müəyyənləşdirib – 3:1. AzAL-ın heyətində qolları Müşvüq Teymurov, Məhəmməd Bədəlbəyli və Murad Səttarlı vurub.

Qeyd edək ki, daha öncə 2 dəfə əvəzedicilər (4:0 və 6:0) və 1 dəfə U-19 millisi üzərində qələbə (3:2) qazanan AzAL “Sumqayıt”la heç-heçə (2:2) edib, “Kəpəz”ə yenilib (1:2).