“Belə davam etsək, vətənə müsbət nəticə ilə dönəcəyik”

“Qəbələ” Türkiyənin Bolu bölgəsində təlim-məşqi davam etdirir. Allsport.az saytı xəbər verir ki, “qırmızı-qaralar”ın kapitanı Asif Məmmədov hazırlıq durumunu belə dəyərləndirib: 

“Özümü yaxşı hiss edirəm. Komandada da hər şey əladır. Əsas odur ki, zədəli futbolçumuz yoxdur. Heyətimiz ötən mövsüm olduğu kimi kiçik olduğu üçün hər hansı oyunçunun zədələnməsi bizə çətin başa gələ bilər.

“Fehervar”la ilk qarşılaşmaya az qalıb. Hər şey qaydasındadır. Belə davam etsək, vətənə müsbət nəticə ilə dönəcəyik”.